По 22 години играње во НБА, Винс Картер откри дека прекинатава сезона му е последна бидејќи заминува во заслужена пензија.
Винс оваа новина јавно ја откри во гостувањето на „Winging It With Vince Carter“ подкастот на The Ringer.
Картер пензијата ја најави уште лани кога при потпишувањето на новиот едногодишен договор со Атланта Хокс кога рече дена планира сезоната 2019/20 да му биде последна.
Откако сезоната се прекина на 11 март, 43-годишниот Картер досега молчеше, што подгреа надеж кај фановите дека можеби ќе се реши да одигра уште една сезона.
Роден на Флорида, Картер кариерата во НБА ја почна во 1998 година во Торонто Репторс иако беше драфтуван од Голден Стејт Вориор, кои потоа направија трампа со Канаѓаните. Во Торонто настапуваше 6 сезони, а потоа играше уште и за Њу Џерси Нетс, Орландо Меџик, Феникс Санс, Далас Маверикс, Мемфис Гризлис и Сакраменто Кингс, пред во 2018 да дојде во Атланта.