Со реизборот на Доналд Трамп за претседател на Соединетите Американски Држави големо внимание привлече и Меланија Трамп.
До корисниците на социјалните мрежи стигна стара телевизиска реклама во која Меланија Трамп игра претседателка на Словенија.
Сопругата на новоизбраниот американски претседател Меланија Трамп е навикната да се појавува во медиумите. Својата манекенска кариера ја започна со освојување на второто место на изборот за Мис на Словенија во 1992 година, а потоа патот ја однесе во Милано и Њујорк, каде што го запозна и Доналд Трамп. Во текот на животот, Меланија се појави и во многу телевизиски реклами.
Вирално се шири рекламата во која Меланија Трамп прво ја поздравува делегација и новинарски екипи при излегување од авионот, а потоа влегува во автомобил во придружба на телохранители и се подготвува за инаугурацијата. На крајот ја гледаме како полага заклетва како нов претседател.
