Неспиењето не е единствената причина за појава на темни кругови или подочници околу очите.
Оле Хенриксен, еден од најпознатите светски козметичари откри скриен проблем кој влијае на појавата на темни кругови околу очите. Станува збор за констипација, а решението не е во скапи серуми и третмани.
„Кога е телото во полутоксична состојба, таа токсичност се манифестира со подуеност и слаба циркулација. Подрачјето околу очите е огледало на душата и тој проблем ќе се покаже со темни кругови и подуеност“, вели тој.
Покрај стресот и недостатокот на сон, Хенриксен објаснува дека темните кругови се и знак на дехидрација.
„Водата е од клучна важност за прочистување на секој орган во телото. Водата помага да се прочистат и телото и кожата“, додава тој.
Дополнителен совет од Хенриксен е да ги елиминирате производите за нега на лице кои содржат ретинол ако имате темни кругови под очите бидејќи само ја разлошува ситуацијата. Ја прави кожата почувствителна и доведува до црвенило.
„Ретинолот ја прави кожата поосетлива и доведува до појава на црвенило, а кожата станува сува и се лупи. Исто така ги прави видливи капиларите. Кога кожата е црвена и иритирана компромитирани се имуните клетки на кожата“, објаснува тој.
