Доколку сте љубители на пржена риба еден трик ќе ви помогне да ја направите уште покрцкава, подеднакво вкусна, но да не впие ни капка масло.
Тоа е состојка со која ќе го замените брашното, а која повеќето ја имаат во кујната – густин. Густинот, или пченкарен скроб, ќе направи заштитна обвивка околу рибата, па таа ќе биде крцкава без да може да впие премногу масло и да биде мрсна.
Потребни состојки:
- 1 kg риба по избор (погодни се и морски и речни)
- 200 g густин
- 3 лажички сол
- 1 лажичка пиперка
- 1 лажичка лук во прав
- други зачини по ваш избор
- масло за пржење
Подготовка:
Исечете ја рибата на парчиња, посолете ја како и обично и ставете ја во фрижидер. Ова најдобро се прави еден ден претходно, но може да се направи и неколку часа пред пржење.
Ставете го густиноѕ во сад, додадете една кафена лажичка сол, а потоа бибер, лук и други зачини по избор. Сè добро соединете.
Во подлабок сад сипете поголема количина масло за да може рибата да „плива“ во него, па добро загрејте.
Извадете ја рибата од фрижидер, па секое парче убаво извалкајте го во смесата со густин и потопете ја во врелото масло. По потреба превртувајте ја рибата неколку пати, за да се испржи рамномерно од сите страни.
Послужете ја пржена риба со компири или некоја друга салата која одлично оди со овој специјалитет.