Мислите дека треба да внесете тон витамини во еден ден, но не сте сигурни кога и што сѐ треба да земете.
И иако секогаш треба да се свртиме кон храна за витамини и минерали, понекогаш витаминските додатоци можат да ни помогнат да ги пополниме празнините во нашата исхрана.
Апсорпцијата може да зависи од тоа кои од нив ќе ги земете заедно, а исто така може да доведе до штетни интеракции, кои можат да бидат штетни за вашето здравје.
Еве шест комбинации на витамини кои дефинитивно не треба да ги земате заедно.
Многу луѓе сакаат навечер да земаат магнезиум, бидејќи може да поттикне чувство на смиреност и да ја поддржи мускулната релаксација. Меѓутоа, ако земате магнезиум, д-р Ерин Стоукс препорачува да не го земате истовремено со мултивитамини, бидејќи може да ја попречи апсорпцијата на помалите минерали што се наоѓаат во мултивитамините, како што се железото и цинкот. Дополнително, тој вели да се воздржите од земање на калциум, магнезиум или цинк заедно бидејќи тие „ќе се натпреваруваат за апсорпција“.
Додека д-р Џејдип Трипати вели дека земањето калциум и магнезиум помага да се спречи остеопорозата, па за да ги максимизирате придобивките, земајте ги во интервал од два часа разлика.
„Истражувањата покажаа дека апсорпцијата на витамин К кај луѓето може да биде намалена кога други витамини се раствораат во мастите, како што се витамин Е и витамин Д, ако се земаат заедно“, вели д-р Крис Ејри.
Се препорачува овие витамини да се земаат со најмалку 2 часа разлика, за максимално да се апсорбираат. За среќа нема штетни нус појави, меѓутоа д-р Ејри вели дека „едноставно не е ефикасно“ да се земаат заедно бидејќи способноста на вашето тело да апсорбира витамини ќе биде намалена ако ги земате заедно.
Додека додатоците на омегфа-3 рибино масло се одлични за здравјето на срцето, а гинкото може да се користи за помош на когнитивени оштетувања, според д-р Трипати, двата имаат потенцијал за разредување на крвта и земањето на двата истовремено може да го зголеми ризикот од неконтролирано крварење или номожност за згрутчување.
Иако зелениот чај не е додаток, тој е вкусен пијалак исполнет со антиоксиданси и во кој многумина од нас уживаат поради неговите здравствени придобивки. За жал, земањето додатоци на железо заедно со зелен чај не е добра комбинација.
„Зелениот чај всушност може да предизвика недостаток на железо ако се зема во големи количини во подолг временски период“, вели д-р Трипати.
Железото, од друга страна, може да ја намали ефикасноста на зелениот чај.
Според д-р Ејри, некои истражувања покажале дека витаминот Ц може да го разгради витаминот Б12 во вашиот дигестивен тракт, со тоа намалувајќи ја вашата апсорпција на Б12. Како резултат на тоа, вели дека треба да почекате најмалку два часа пред да земете витамин Ц покрај витамин Б12.
„Витаминот Б12 игра важна улога во производството на црвените крвни зрнца и правилното функционирање на вашиот нервен систем, а недостатокот на Б12 може да доведе до влошено здравје на нервите и да влијае на развојот и функционирањето на црвените крвни зрнца“, додава.
