Подгответе вкусен десерт за цело семејство, обланда со чоколада.
Потребни состојки:
1 пакување обланди
5 јајца
300 грама чоколада за готвење
300 грама маргарин
250 грама шеќер
3 кесички ванилин шеќер
Подготовка:
Маргаринот и чоколадата ставете ги да се растопат. Посебно изматете ги убаво јајцата, шеќерот и ванилата.
Тргнете го од шпоретот растопениот маргарин и чоколада и измешајте со изматените јајца .
Вратете го на шпоретот и варете околу 2 минути со постојано мешање.
Немојте предолго да го варите овој фил, доволно е само јајцата термички да се обработат.
Со врелиот фил премачкајте ги обландите, важно е секоја празнина од обландата да се пополни со фил.
Така ја повторувате постапката се додека не ги потрошите обландите и целиот фил.
Притиснете ги обландите со некој предмет и така нека стојат додека не се изладат.
Исечете на парчиња и сервирајте. Пријатен апетит.