Рецепт за вкусен колач, за чија подготовка ви се потребни само неколку состојки.
Потребни состојки:
250 грама шеќер
200 грама маргарин
200 грама брашно
1 јајце
4 белки
150 грама мелени ореви
150 грама џем од шипка
Рендана кора од лимон
1 пакетче прашок за печење
Подготовка:
Во сад за матење ставете го маргаринот, јацето, 100 грама шеќер и матете со миксер се додека шеќерот не се растопи. Потоа во садот додадете ситно рендана кора од лимон, брашно, прашокот за печење и мешајте со лажица се додека состојките не се соединат. Тавката за печење премачкајте ја со маргарин и истурете ја смесата за колачот, печете во загреана рерна 15 минути на 180 степени.
Изматете 4 белки со миксер, додадете ги преостанатите 15 грама шеќер и повторно мешајте додека шеќерот не се растопи. Додадете ги мелените ореви и измешајте.
Испечениот колач премачкајте го со џемот од шипки, па врз џемот нанесете ги изматените белки. Вратете го колачот во рерна 15 минути на истата температура.
Испечениот колач премачкајте го уште еднаш со тенок слој од џем и посипете со рендана чоколада.