Вкусно и сочно јадење готово за околу 30 минути.
Потребни состојки:
500 грама тестенини по ваш избор
1 чаша вода
Сол
За црвен сос:
400 грама мелено месо
200 мл доматно пире
100мл масло за јадење
1 главица кромид
Лук по желба
2 лажици сушен зачин
2 лажици мелен црвен пипер
1 лажичка оригано
За бел сос:
200 мл млеко
1 лажица брашно
4 лажици масло за јадење
350 грама кашкавал
Сол и црн пипер
Подготовка:
Огноотпорен сад премачкајте го со масло за јадење и во него ставете ги тестенините, полијте со вода и посолете. Садот ставете го во загреана рерна 10 минути на температура од 230 степени, печете малку додека тестенината да омекне.
За тоа време подгответе го црвенот сос, кромидот исецкајте го ситно па пропржете го со малку масло, додадете го меленото месо, доматното пире, сувиот зачин и лукот, па пржете околу 10 минути. Во друга тава на загреано масло испржете го брашното, додадете млеко и на тивок оган гответе 2 минути.
Посолете зачинете и додека е топол сосот додадете го кашкавалот за да може да се растопи.Извадете ги омекнатите тестенини од рерна, додадете го црвениот сос, измешајте, па израмнете, врз тоа додадете го и белиот сос, посипете со оригано и повторно вратете во рерна 15 минути да се запече.