Македонија

Влада и осумтемина пратеници од ВМРО-ДПМНЕ: Постигнавме договор со кој се обезбедуваат најмалку 80 пратеници

11. јануари 2019 - 17:19 | МИА

Скопје, 11 јануари 2019 (МИА) – Владата и осумтемина пратеници од ВМРО-ДПМНЕ, кои во првата фаза ги поддржаа уставните измени неопходни за усвојување на Преспанскиот договор, успеаа да постигнат договор за конечното усвојување на амандманите на Уставот со што е обезбедено неопходното двотретинско мнозинство.

„Ја информираме јавноста дека со заедничко учество успеавме да постигнеме договор за конечноста на уставните амандмани и уставниот законик со што се обезбедува најмалку 2/3 мнозинство во Парламентот. Добивме максимално можно добар текст на уставните амандмани и уставниот законик за спроведување на договорот од  Преспа со што уште еднаш се потврдува македонскиот идентитет, внатрешна примена на договорот од Преспа и стапувањето на сила на уставните амандмани. Уште еднаш потврдуваме дека државјанството е македонско/ граѓани на Република Северна Македонија“, соопшти владината прес-служба.

Коментирај