Владата, министерствата и органите на државната управа од денеска ќе работат со флексибилно работно време.
– Во согласност со одредбите од одлуката, секој вработен во Владата на Република Македонија, министерствата и другите органи на државната управа има право да пристигне на работното место помеѓу 7.30 и 8.30 часот и да замине од работното место во периодот помеѓу 15.30 и 16.30 часот така што има обврска за исполнување 8 часа дневно работно време. Секој орган на државната управа треба да обезбеди систем за евиденција на работното време, со цел поефикасна контрола при влез и излез на вработените – соопшти вчера Министерството за информатичко општество и администрација.
Оттаму појаснуваат дека во контекст на општите права на вработените во државната управа се подразбира и правото на вработените на работно време со распоред соодветен за ефективно и ефикасно исполнување на работните задачи, а утврдени со позитивните законски одредби.
