Кога ќе погледнеме што е модерно сега, можеме да заклучиме дека трендовите се враќаат, но малку изменети и почудни. Кога Balenciaga ги претстави новите гумени влечки, сите ги исмеваа за нивниот изглед, нарекувајќи ги „крокодилки“. Сега, сите парчиња се распродадоа во рекордно време, уште пред влечките да бидат пуштени во продажба во продавниците.
Цената на овие влечки е високи 850 долари, а се работи за редизајн на компанијата Balenciaga на популарните „Crocs“ влечки кои беа интернет тренд пред неколку години.
Дизајнерот на моделот на Balenciaga е Грузиецот Демна Гвасалија, кој имаше оригинална идеја да ги стави оригиналните „Crocs“ на висока сунѓераста платформа. Овој модел подоцна беше промовиран на модните писти, на секоја ревија на Balenciaga, а интернетот набрзо потоа го „фати“ овој тренд и го направи популарен.
Покрај платформата од 10 центиметри, „крокодилките“ на Balenciaga имаат и украси, со кои се разликуваат од оригиналната верзија на овој модел.
Влечките со платформа на Balenciaga беа пуштени во предпродажба на 1 јануари, но за неколку часа сите парчиња беа распродадени. Многумина беа изненадени со овој резултат, бидејќи претходно можеа да се прочитаат многу критики и исмевања за влечката по социјалните мрежи.
