Најчестите измами со кои се сретнуваат корисниците на WhatsApp се секојдневие, па внимавајте да не наседнете на нив и да не станете жртва.
Код со бројки од WhatsApp кој не сте го очекувале
Доколку добиете порака со шест цифри со WhatsApp код која не сте ја очекувале, веројатно некој сака да ве измами. Станува збор за код кој би ви бил потребен доколку сте направиле нова корисничка сметка или со постоечка се најавувате на друг уред. Доколку не сте испратиле барање за да добиете код, оваа измама доаѓа од некој кој сака да ви го украде вашиот профил.
Во вториот стадиум од измамата, доколку сте наседнале на првиот, ќе добиете порака во WhatsApp која ви ја праќа пријател кој бара шестоцифрен код. Доколку сте ја добиле оваа порака, тоа значи дека вашиот профил е веќе украден.
Доколку му го испратите шестоцифраниот код на измамникот, тој може да ги контактира сите ваши контакти во ваше име и од вашиот профил. Ќе може да пристапи и до сите групи во кои сте биле.
WhatsApp Gold
WhatsApp Gold e позната измама која корисниците ги повикува на преземање на „посебна” верзија на WhatsApp која ја користат славните и во себе има специјални опции. Оваа измама за прв пат се појави во 2016 година, а се врати на сцената во 2020.
Доколку добиете порака со линк за преземање на ваква верзија, избришете ја.
Ваучери од супермаркет
Изманиците, зависно до регионот, сакаат да праќаат пораки со лажни ваучери и линк преку кој наводно ќе добиете вреден ваучер во некоја продавница. Нешто како Facebook измамата со КАМ во поштенското сандаче, само во WhatsApp варијанта.
Финтата е што вакви работи не постојат - продавници не делат ваучери без причина, посебно не преку WhatsApp. Не кликајте на линкот и избришете ја пораката.