Во БиХ падна првиот снег

Синоќа падна првиот снег во БиХ на планините Бјелашница, Јахорина и Влашиќ.

До утрото, снегот се задржа само на Јахорина, покажуваат веб-камерите.

Според прогнозите на Федералниот хидрометеоролошки завод денеска во БиХ ќе биде претежно облачно. Во Херцеговина во текот на денот времено разведрување.

Претпладне се очекуваат врнежи од дожд низ земјата, а на планините можен е и слаб снег. Во остатокот од денот во Босна повремен и слаб дожд. Ветер слаб до умерен западен и северозападен. Утринската температура од 5 до 11, на југот до 14, а дневната во Босна од 8 до 14, а во Херцеговина од 16 до 22 степени.