Томас Тухел пред два дена стана нов тренер на Баерн.
Тухел потпиша договор до летото 2025 година и ќе го наследи Јулијан Нагелсман, кој ненадејно доби отказ во четвртокот вечерта.
Тухел на првата прес-конференција веднаш најави дека ќе го собере кадарот со кој работеше во Челси.
„Јасно е дека ќе има групни дискусии, ми треба фидбек од играчите. Ниту мојот тренерски штаб не беше подготвен, па голема благодарност до нивните семејства за нивната флексибилност. Арно Михелс и Золт Лев, кои работеа со мене повеќе од десет години ќе бидат таму“, рече тој во Минхен и напомена дека ќе го донесе Ентони Бери, кој сè уште е во Челси.
Ова ги налути луѓето во Челси, пишуваат англиските медиуми. Бери е подготвен да тргне по Тухел, но Челси не сака да го пушти туку-така. Одборот на „сините“ смета дека Тухел не требало јавно да зборува за идејата бидејќи Бери е дел од стручниот штаб на актуелниот менаџер Греам Потер.