Во Данска се пронајдени фосилизирани остатоци од ерата на диносаурусите. Имено, за ова откритие е одговорен локалниот ловец на фосили Петер Бенике, кој споменатиот фосил го пронашол на Стевнс Клинт, крајбрежна карпа на истокот на земјата, која е под заштита на УНЕСКО.
Овој самопрогласен фосилен гик тврдел дека пронашол необични фрагменти во парче креда, за кои подоцна било утврдено дека се остатоци од морски лилчан, подводен вид поврзан со морските ѕвезди и морските ежови.
Бенике ги однел фрагментите на испитување во Музејот „Источен Зеланд“, кој потврдил дека датираат од крајот на периодот на креда, т.е. од пред 66 милиони години кога имало диносауруси, вклучувајќи ги тираносаурус и трицератопс.
Палеонтологот и куратор на споменатиот музеј, Јеспер Милан, изјави за BBC дека ова е навистина необично откритие бидејќи помага да се објаснат односите во праисторискиот синџир на исхрана.
„Тоа ни кажува нешто за тоа кој кого јадел пред 66 милиони години. Ова откритие е уникатен увид во секојдневната ситуација на дното на морето во периодот креда, морето во кое живееле диносаурусите“, нагласи Милан.
Рибите и ајкулите во тоа време јаделе морски лилјани, кои тешко се варат.
Ова откритие е исто така значајно за подобрување на разбирањето на минатите екосистеми. Милан истакна дека неговиот музеј само ги информирал локалните медиуми за откритието, но дека откритието предизвикало глобален интерес, пишува BBC.
