Свет

Во Данска запленети сто килограми кокаин и уапсени 27 лица

17. февруари 2020 - 9:06 | МИА

Данската полиција денеска уапси 27 лица осомничени за илегална трговија со дрога откако на товарен брод, регистриран на Бахамите, откри и конфискува 100 килограми кокаин.

Полицијата во Копенхаген соопшти дека кокаинот е запленет вчера, во текот на меѓународно координирана акција.

Сите осомничени се странски државјани и според данските закони можат да бидат осудени на 16 години затвор. Помеѓу уапсените има државјани на Русија, Летонија, Еквадор и Филипини.

Вредноста на запленетиот кокаин се проценува на околу 50 милиони долари.

Коментирај