Полицијата лишила од слобода две одговорни лица во угостителски објекти на подрачјето на Центар затоа што пуштале музика и не ја почитувале одлуката на Владата за седумдневна жалост.
Лишени се од слобода Ф.А. (26) од Sкопско и В.В. (22) од Скопје поради постоење основи на сомнение за сторено кривично дело по член 387 од Кривичниот законик.
„Во текот на вчерашниот ден во угостителски објекти каде тие се одговорни лица била пуштена музика односно не била почитувана одлуката на Владата за седумдневна жалост. Веднаш е постапено од страна на полициските службеници на СВР Скопје и одговорните лица се лишени од слобода, а по документирање на случаите ќе бидат поднесени соодветни пријави во врска со чл. 387 од КЗ“, соопшти МВР.
