Британскиот боксер Дерек Чисора го победи Бугаринот Кубрат Пулев во спектакл во лондонската „О2 Арена“ и со тоа стана шампион во тешка категорија во ВБА категоријата.
Чисора ја прекина серијата од три порази и му се одмазди на Пулев за поразот пред 6 години.
Британецот синоќа славеше на поени. На самиот старт на борбата Чисора беше нервозен, додека Пулев го искористи тоа и со силни удари собираше поени.
Од средината на борбата иницијативата ја презеде Чисора. Почна со брзи удари и стануваше сѐ поопасен, што судиите на крајот го препознаа за победа.
Очекувано беше драматично и неизвесно за време на судењето. Двајца судии одлучија во корист на Чисора (116:112 и 116:114), додека еден арбитар ја оцени борбата во корист на Пулев (116:112).