Од пајаци до бубачки, безрбетниците оставаат траги дури и на листовите од чаевите што ги јаделе или преку кои само поминале.
Живите организми оставаат многу нешта зад себе, вклучувајќи различни секрети, измет и надворешни слоеви на мртви ткива, од кои сите содржат уникатни траги на ДНК.
Од пајаци до бубачки, безрбетниците оставаат траги дури и на листовите од чаевите што ги јаделе или штотуку минувале.
Научниците откриле траги од дури 1.200 различни видови безрбетници во само 40 примероци од сушен чај и билки.
„Она што навистина ме изненади беше огромната разновидност што ја откривме“, вели генетичарот Хенрик Крехенвинкел од Универзитетот во Трир.
„Во една кесичка зелен чај најдовме траги од дури 400 видови инсекти“, наведе тој.
Севкупно, истражувачите открија траги од 3.264 видови безрбетници од примероци од чаеви и билки во продавниците во Германија, вклучувајќи предатори, тревопасни животни и паразити од целиот свет.
Тие пронајдоа ДНК траги од пајаци, лебарки, вошки, муви, пеперутки, богомолки и многу други инсекти.
Крехенвинкел и неговите колеги се сомневаат дека има толкава разновидност во трагите поради начинот на кој се обработуваат растенијата: растенијата се мелат и ситниот ДНК материјал од сите делови на полињата во кои се одгледуваат се меша со растителниот материјал кој потоа се пакува во ќесички.