Делегацијата на ФФМ која беше на конгресот на УЕФА во Амстердам е негативна на коронавирусот откако периодот од 14 дена го мина во самоизолација.
Претседателот Муамед Сејдини, селеторот Игор Ангеловски, потпретседателот Лазар Ракиџиев и портпаролот Златко Андоновски се сите негативни. Тие, по препорака на Институтот за јавно здравје, по враќањето од Холандија беа во самоизолација откако се востанови дека претседателот на Фудбалскиот сојуз на Србија и неговиот заменик, кои исто така беа дел од конгресот на УЕФА, се позитивни на коронавирусот.
„Првите луѓе на македонскиот фудбал по препорака од Институтот за Јавно здравје минаа неколку дена во изолација откако беше потврдено дека претседателот на Фудбалскиот сојуз на Србија и неговиот заменик, кои исто така беа дел од Конгресот на УЕФА, се позитивни на коронавирусот SARS-CoV-2. Без симптоми на коронавирусот по враќањето од Амстердам се и селекторот на македонската А репрезентација, Игор Ангеловски и портпаролот, Златко Андоновски. Двајцата, по официјалната посета на тренинг центрите и сместувачките капацитети за ЕУРО 2020 во Холандија, пристигнаа во Скопје, ден подоцна од водечките луѓе на ФФМ“, се вели во соопштението на Фудбалската федерација на македонија.
Од ФФМ велат и дека согласно препораките на Владата, Куќа на фудбалот ќе работи со драстично намален капацитет, односно само во исклучително потребни случаи.
