Според најновите податоци, во последните 24 часа во Италија има 888 нови случаи на заразени со коронавирусот, што претставува пад на бројот на новозаразени во однос на претходниот ден кога се забележани 1.402 нови случаи.
Според податоците на Цивилната заштита на Италија 893 пациенти се на интензивна нега, што е за 59 помалку во однос на вчера.
Во последните 24 часа починаа 195 луѓе, а оздравеа 3.502.
Repubblica.it наведува дека од новите 888 случаи повеќето се откриени во Ломбардија.
Досега во Италија се регистрирани 222.104 лица заразени со коронавирус. Од последици со коронавирус починаа 31.106 луѓе, а оздравеa 112.541.
