Помалку од илјада се активните случаи на зарзени со COVID-19 во Израел нешто што се случува првпат од март минатата година. Тоа го објави денеска израелскиот министер за здравство, Јули Еделштајн.
Во пикот на епидемијата имаше и по повеќе од 70.000 заразени, неведе тој на Twitter.
Во изминатата недела бројот на тешко болните од COVID-19 во Израел беше под 100. Според него, тоа се должи на успехот на кампањата за вакцинација во државата.
Во изминатите 24 часа се регистрирани само 17 нови случаи. Тоа е 0,2% позитивни тестови од вкупно над 11.500. Досега над 5,4 милиони луѓе или речиси 60% од населението во државата ја примиле првата доза од вакцината на Pfizer/BioNTech, додека околу 5,1 милиони се со две дози примени вакцини.