Археолози тврдат дека го пронашле веројатно најстариот познат толает со вода, за кој знаат и како функционирал.
Во северните делови на провинцијата Хунан се наоѓа градот Јуејан, а она што е специфично за овој град е дека во негова непосредна близина се наоѓаат остатоци од населба од првиот милениум пред новата ера. Меѓу најпознатите рушевини е секако палатата околу која се наоѓаат остатоци од бројни згради од кои двете најголеми во себе кријат вистинско мало археолошко богатство.
Иако можеби очекуваме, не се работи за златни предмети или за некое „бесмртно одело“ од жад. Овој пат станува збор за тоалет со вода, за кој истражувачите од Институтот за археологија при Кинеската академија на науки тврдат дека е еден од најстарите во светот.
Проценките се дека е стар околу 2.200 години, т.е. дека припаѓа на времето помѓу периодот на завојуваните држави и владеењето на династијата Хан. Тоа е период во кој регионалните лордови биле од најмоќните држави Чи, Џу, Јан, Хан, Џао, Веј и Чин и ги окупирале помалите соседни држави. Со други зборови, бурни времиња, во кои не се очекувало дека се водело многу грижа за хигиената.
Сепак, тоа тука не е случај бидејќи во споменатиот тоалет откако господарот ќе извршел нужда слугите турале вода и на тој начин низ систем со канализациски цевки се одлободувале од фекалиите. Ова се смета за најран пример за ваков вид на тоалет, како во Кина така и во остатокот од светот.
Покрај тоа, на ова исто место минатото лето беше откриена и веце школка, како и делоци од цевки кои биле во посед на некој од високорангираните чиновници од провинцијата Шанкси во древна Кина.
