Музеј во кинескиот град Хејуан, во јужната провинција Гуангдонг, се гордее со најголемата колекција на јајца од диносауруси.
Музејот, наречен и „дом на диносауруси“, во 2004 година влезе во Гинисовата книга на светски рекорди, со зачувани 10.008 јајца од диносауруси. Тоа е најголемата колекција во светот.
Фосилизираните јајца се различни во големина, должина и форма, а се од огромна научна вредност. Истите ќе им бидат од голема помош на научниците во понатамошните геолошки истражувања.
За да се откопа гнездо од јајца на диносаурус обично се потребни до 3 години и неколку групи од повеќе работници.
