Компанијата Counterpoint направи „Листа на доверба“, во која се наведени сите производители на Android мобилни телефони.
Тие се рангирани врз основа на четири критериуми - софтвер, безбедност, квалитет на изработка и деловна употреба.
Како што истакнуваат од Counterpoint, софтверот и безбедносните ажурирања за телефоните со Android се критичен сегмент затоа што, поради пандемијата, многу повеќе луѓе користат интернет за да работат од дома.
Втора година по ред Nokia е на првото место на нивното истражување за обезбедувањето поддршка за клиентите во овие два аспекта, а дури 98% од производителите не нудат постојани ажурирања на софтверот и безбедносните patches.
Производителите треба да исполнат неколку критериуми за да се најдат што е можно повисоко на листата: покрај безбедносните ажурирања и софтверот, се тестира и издржливост при мерење на сила, падови, удари, гребнатини, термички тестови, изложеност на течност итн.
На второто место на „Листата на доверба“ е OnePlus, следен е Samsung, а по него Realme, Xiaomi и Huawei. Топ 10 ја комплетираат Oppo, Lenovo, LG и Vivo.
Дали се согласувате со оваа листа? Во кој бренд Вие имате најмногу доверба?
