Најново истражување коe го спровeле научници од американскиот Универзитет во Мичиген, покажа дека на глобално ниво жените во просек спијат подолго од мажите.
Според пишувањата на британскиот магазин Independent, истражувањето во кое биле опфатени 100 нации од светот покажало дека најголеми спанковци се Холанѓаните, додека најмалку жители од овој вид има во Сингапур и Јапонија.
Истражувањето објавено во магазинот Science Advances покажало дека најмалку на светот спијат мажите во средни години, 30 минути помалку од жените, посебно оние меѓу 30 и 60 години од животот.
Жителите на Јапонија и Сингапур во просек спијат седум часа и 24 минути, додека во Холанија луѓето спијат осум часа и 12 минути, во просек.
Од друга страна пак, Британците во просек спијат нешто пократко од осум часа, слично како и Французите.
Истражувачите тврдат дека поголемиот дел од луѓето своето спиење (во текот на ноќта) го регулираат во склоп со работата, работните обврски и работното време, со тоа што истражувањето било наречено „Глобална криза на сон“.
