Работодавците во Москва се должни да отпуштаат вработени кои одбиваат вакцинација против коронавирусот, соопштија од Оперативниот штаб за контрола и следење на состојбата со COVID-19 во рускиот главен град.
Според оштабот, присуството на високо ниво на антитела не е показател да се избегне вакцинација против коронавирусот.
„Во моментов не постои докажан метод за мерење на нивото на антитела доволно за да се изгради имунитет кај луѓето, или систем за проценка на ефективноста и стапката на адаптација на антитела кон мутирани соеви на вирусот“, се вели во соопштението.
Покрај тоа, не им се препорачува на жителите на Москва да се тестираат за антитела пред вакцинација.
Во градот вчера беа регистрирани 88 смртни случаи, црн рекорд од почетокот на пандемијата. Москва нареди задолжителна вакцинација за жителите на градот кои работат во сферата на услуги.
Седум други руски градови меѓу кои и Санкт Петербург воведоа слични правила. Во Москва, каде што има 12 милиони жители, само 1,5 милиона луѓе се вакцинирани.
