Милвоки Бакс го победи Бруклин Нетс со 118:113 во натпревар кој забележа невидена статистика во НБА.
Имено, Бакс играа без Јанис Адетокунбо, а Нетс не можеа да сметаат на Ник Клакстон, Спенсер Динвиди, Кем Џонсон, Ројс О'Нил и Бен Сајмонс.
Микал Бриџис и Дориан Фини-Смит беа единствените во стартната петорка на Нетс кои беа во стартниот состав од претходниот натпревар, па „резервите“ ја добија својата шанса.
Резултатот од сето ова е натпревар кој не се памети откако во НБА лигата се води статистика (1970), бидејќи играчите на клупата на Нетс постигнаа дури 98 поени, а стартерите на Нетс само 15 поени.
На тој начин е соборен претходниот рекорд кој го држеше Голден Стејт Вориорс од 1977 година, чии играчи од клупата постигнаа 94 поени против Индијана Пејсерс на 14 март таа година.
Боби Портис со 28 поени и 13 скока и Брук Лопес со 24 поени ги предводеа Бакс, а на другата страна се истакнаа Пети Милс со 23 поени и 7 асистенции и Кем Томас со 21 поен.
Тајус Џонс постигна 22 поена со 11 асистенции, Џерен Џексон Џуниор. додаде 21 поен и 9 скока, во натпреварот во кој Мемфис Гризлис го победи Голден Стејт Вориорс со резултат 131:110.
Стивен Кари за Голден Стејт постигна 29 поени со 7 скока, а расположени беа и Џордан Пул со 22 поена, Дрејмонд Гринс со 16 поени и 7 асистенции, како и Клеј Томпсон со 14 поени.
Резултати:
Детроит Пистонс - Шарлот Хорнетс 103:113
Индијана Пејсерс - Хјустон Рокитс 134:125 прод.
Орландо Меџик - Јута Џез 124:131
Мемфис Гризлис - Голден Стејт Вориорс 131:110
Милвоки Бакс - Бруклин Нетс 118:113
Сакраменто Кингс - Њујорк Никс 122:117
Табела:
