Велшките власти го свртија вниманието на граѓаните кон случаи на измама со вакцини за COVID-19, каде што луѓе давале пари за вакцини кои инаку се бесплатни, а некои жртви добија такви вакцини од непознато потекло, и во Велс и во други делови на Обединетото Кралство.
Националната здравствена служба (НХС) во моментов обезбедува бесплатна имунизација во Обединетото Кралство, а министерот за здравство на Велс, Фон Гетинг ја предупреди јавноста за измамата што се случува со вакцините против COVID-19.
– Постојат голем број измами за вакцина против COVID-19, вклучително и особено сериозен чин во кој луѓето беа измамени да плаќаат за непозната вакцина за коронавирус, а потоа и да ги вакцинираат, рече Вон Гетинг на прес-конференција.
– Сакам да бидам јасен - нашата Национална служба никогаш нема да побара некој да плати за вакцината против COVID-19. Тие се бесплатни. НХС никогаш нема да ги побара вашите банкарски податоци и вакцините не ви се доставуваат на влезната врата од луѓе кои не се идентификувани како вработени во НХС, изјави тој.
Предупредувањето на министерот следуваше откако Националната агенција за криминал (НЦА) минатата недела ја повика јавноста да биде будна, известувајќи дека измамниците бараат од постарите и ранливите луѓе компензација за пристап до лажни или непостоечки вакцини.
Лондонската полиција во петокот објави дека измамник одзел 160 фунти од 92-годишна жена за наводна вакцина.