Парагвајската полиција во пристаништето Терпорт откри и заплени околу 2,3 тони кокаин на брод што пловел кон Израел, пренесе BBC.
Дрогата вредна околу 500 милиони долари била скриена во шест контејнери со јаглен. Уапсени се две лица, од кои едниот е поранешен директор на парагвајската државна телевизија.
Тоа е најголемо количество кокаин откриено во Парагвај.
Полицијата вели дека кокаинот бил спакуван во кутии и сокриен во еден од шесте контејнери, а прегледан е само еден контејнер. Останатите пет не се пребарани и полицијата не ја исклучува можност и во нив да има дрога.
Додека Израел е крајната дестинација на дрогата, пратката минала низ главниот град на Аргентина, Буенос Аирес и белгискиот град Антверп. Полицијата добила информации за дрогата од Белгија.
