Филмското студио Lionsgate потврди дека акциониот „John Wick’ ќе добие петти дел.
Ова го соопшти директорот на студиото, Џон Фелтхајмер, кој истакна дека петтиот дел ќе се снима напоредно со четвртиот, чија премиера е планирана за 27 мај 2022 година.
Снимањето би требало да започне идната година, зависи од обврските на Киану Ривс. Првиот дел на филмот беше прикажан во 2014 година и заработи скоро 87 милиони долари, со буџет од 20 милиони долари.
Вториот дел беше прикажан во 2017 година и стана хит на бокс-офисот со заработка од 172 милиони долари. Тоа беше доволна причина Lionsgate да сними трето продолжение кое беше прикажано во 2019 година и ги надмина очекувањата. Филмот заработи 327 милиони долари.
Тоа беше добра причина за најава на четврти и петти дел од акционата драма за платен убиец кој се враќа во светот на криминалот, откако ќе почине жена му.
