Во претстојната епизода од анимираната серија „The Simpsons“ конечно ќе откријат како ја предвидуваат иднината.
Создадена од Мет Гронинг, серијата е во етерот повеќе од три децении, а за прв пат се емитуваше на 17 декември 1989 година, што ја прави најдолгата американска телевизиска серија во ударен термин.
Од предвидување на кризата на трошоците за живот во Обединетото Кралство до Доналд Трамп како претседател на САД, па дури и пандемијата на COVID-19, писателите на сценариото очигледно знаат нешто што ние не го знаеме.
Сценаристот и продуцент на серијата, Мет Селман, неодамна изјави за Deadline дека претстојната епизода од 34. сезона ќе открие сè.
„Имаме уште една луда концепт епизода која објаснува како 'The Simpsons' ја знаат иднината. Тоа е концепт епизода со многу луди работи во неа, но објаснува како тие можат да ја предвидат иднината“, рече тој.
Зборувајќи за тоа како, после толку време, продуцентскиот тим успева да ја одржи серијата толку свежа, Селман рече: „Тоа е нашиот најголем креативен предизвик, да се погрижиме секоја епизода да биде единствена и посебна и да има нешто свежо да каже. За среќа, светот продолжува да испорачува работи што треба да се рефлектираат во огледалото на Спрингфилд. Затоа, тоа е благодарност до светот, но и светот треба да биде подобар. Немам проблем да ја повторам емотивната динамика“.
„Не можете само да ги вкрстувате емотивните семејни приказни затоа што веќе сте ги кажале тие емотивни семејни приказни. Но, мора да имате нешто ново да кажете за надворешниот свет или нов аспект од врската за да истражите што е поконкретно и поинтересно“, додаде тој.
