Во сибирскиот дел од Арктикот пронајдени се одлично сочувани остатоци од праисториско животно старо најмалку 10 илјади години.
Руските научници внимателно го собрале скелетот на животното откако локални жители пријавиле дека пронашле огромни коски во плитките води на едно езеро во северниот дел на Сибир.
Се работи за возрасен влакнест мамут, праисториско животно кое живеело за време на Плеистоценот и изумрело на почетокот од Холоценот, односно околу 9600 година п.н.е.