Оваа сабота (24 август) на задоволство на сите љубители на хард рок музиката ќе се одржи јубилејното 10-то издание на Рудар рок фест во Пробиштип.
„Со оглед на препознатливоста на нашиот град преку рударството, хард-рок музиката е културен и уметнички израз преку кој на најавтентичен начин може да олицетвори оваа тешка дејност. Рударската професија ја карактеризира јаката човечка волја која доаѓа во костец со карпестото сивило. Во тој напор на рударот и во таа спрега со тоа сивило се претопуваат вредните метал-и и не-метал-и. Строгоста, тежината и сериозноста на оваа дејност создава длабока и силна човечка егзистенција. Рударот е опкружен со тврдите и високи тонови произведени од железните машини и тешките алати кои му се придружник во рудниците. Звуците создадени од судирот помеѓу чудовишните машини како движењето на лифтот, пискотниците на вагоните низ шините, бушењето на бургиите во карпата, наоѓаат свој креативен израз во соло изведбите на гитарата. Ударите на чеканот, протокот на рудата низ шутовите, бучноста од движењето на скреперите, сето ова произведува ритмови за бас. Татнежите од експлозиите и грмливиот пад на рудата се предмет за обработка на звук за тапани. ДА, ТВРДИОТ РОК е најдобар начин, уметнички, да се изрази атмосферата на РУДАРСКАТА професија. Затоа ни е потребен РУДАР-РОК ФЕСТ“, пишува ореганизаторот.
За јубилејот ќе има богата програма, со гости и од странство. На Рудар рок фест 2024 ќе настапат:
Фестивалот ќе се одржи во Градскиот парк во Пробиштип, а влезот е бесплатен. Посетителите ќе можат да си купат и маички од Рудар рок фест 2024, а дента од 12 до 17 часот во „City Cafe“ на Градскиот плоштад ќе се одржи и Првата берза на винили, ЦД-иња и касети во Пробиштип.
