Тимот се натпреварува во каталонската општинска лига за мажи, а сите фудбалери се трансродови лица.
Феникс е клуб создаден минатата година од трансродови момци во Каталонија со цел да можат да се натпреваруваат во шпанската фудбалска пирамида. Сезонава дебитира во лигашкиот систем.
„Феникс е тим на транс момци кој во целост е создаден од транс млади. Но, јас мислам дека е повеќе од тоа. Семејство, сигурен простор, простор во кој можете да бидете слободни и да се истражувате како што ви душа сака и како што навистина се чувствувате. Ни беше страв да играме со машки, мислевме дека нема да се вклопиме или да не стане премногу насилно. Многу работи ни минуваа низ главите. Не знаевме што да правиме за да продолжиме да играме фудбал. Сѐ додека еден ден Уго не рече дека има идеја, а тоа беше да создадеме тим од транс млади кои ќе се чувствуваат добро и кои ќе можат да играат фудбал со машки“, вели еден од играчите на Феникс.
Клубот е од населбата Сант Фелиу де Љобрегат, предградие на Барселона.
