Во Шведска, во последните 24 часа, се потврдени 4.034 нови случаи на COVID-19, најмногу за еден ден од почетокот на пандемијата.
Во истиот временски период, уште пет лица починаа како резултат на вирусот, вкупно 6.002 од почетокот на пандемијата.
Голем број новозаразени беа потврдени на 29 октомври, кога имаше 3.254 нови случаи.
Шведска во последниве недели во неколку наврати пријави највисоко дневно зголемување на бројот на новоинфицирани со коронавирусот, додека бројот на смртни случаи и хоспитализирани пациенти исто така започна да расте.
Стапката на смртност од COVID-19 во Шведска е неколку пати поголема отколку во другите скандинавски земји, но сепак е пониска отколку во некои поголеми европски земји, како што се Шпанија и Велика Британија.