Вкупниот број на ковид дијагностицирани во нашата земја од почетокот на епидемијата изнесува 6.334, бројот на оздравени пациенти е 2.475, на починати е 302, а во моментов бројот на активни случаи во земјата изнесува 3.557. Најмногу активни случаи - 2.007 има во Скопје, соопшти Министерството за здравство.
Најмногу активни случаи има во Чаир- 435, следуваат Аеродром со 160 случаи, Бутел-155, Гази Баба-171, Центар – 139, Карпош – 157 случаи, следуваат Сарај – 153 случаи, Кисела Вода – 118 случаи, Ѓорче Петров – 115, а во Студеничани има 101 активен случај.
Активни случаи има и во Шуто Оризари – 81, Арачиново – 53, Илинден – 33, Петровец – 19 случаи, Чучер Сандево – 17, Сопиште – 12 и Зелениково 2 случаи.