Во Србија пријавени се вкупно 626 случаи на несакани реакции по вакцинацијата против коронавирус и нема пријавено случаи на емболични или тромболитички нарушувања по приемот на вакцината на AstraZeneca.
– Во моментов, имаме 82 пријавени случаи на несакани ефекти на вакцината AstraZeneca, но сите тие беа обично благо очекувани, а тоа беше главно случај за сите други вакцини – болка на местото на апликација, оток, малаксаност, зголемена температура. Ништо што би не загрижило, изјави за РТС, Павле Зелиќ од Агенцијата за лекови и медицински помагала на Србија
Според него, 200 реакции се однесувале на вакцината Pfizer, 224 на Sinopharm, 118 на руски Спутник V, а во два случаја не било дефинирано која вакцина била аплицирана.
На прашањето дали има граѓани кои морале да одат во болница поради несакани ефекти, Зелиќ рече дека имале неколку случаи на сериозни несакани ефекти.
– Вкупно четири поврзани со вакцини. Пријавени се и други потешки несакани ефекти, но истрагата покажа дека тие немаат никаква врска со вакцините.
