Во тек се преговори за сензационално враќање на Нејмар во Европа

Според каталонските медиуми, Нејмар сака да се врати во Европа, во Барселона, каде ги одигра најдобрите натпревари во кариерата и ја заслужи титулата еден од најдобрите фудбалери во светот.

Во оваа прилика каталонскиот весник Sport наведува дека веќе започнале прелиминарните преговори меѓу агентот на Нејмар и Барселона околу враќањето на одличниот бразилски фудбалер на „Камп Ноу“ следното лето како слободен играч.

Нејмар го носеше дресот на Барселона 4 години и и помогна во освојувањето на Лигата на шампионите и две титули во шпанската Ла Лига. Потоа замина во Пари Сен-Жермен во рекорден трансфер за светскиот фудбал.

Сепак, неговата последна епизода во Саудиска Арабија не помина како што сакаше на фудбалски план, па одигра само неколку натпревари за Ал Хилал пред да се врати во матичниот Сантус оваа зима.

За среќа, Нејмар повторно се етаблира како одличен фудбалер во својот матичен клуб Сантус и ја подобри формата, па сигурно има уште што да покаже во европскиот фудбал. Има „само“ 33 години и Барса дефинитивно би можела да има корист доколку се врати во препознатливата форма.

Импресивниот старт на Нејмар во Сантус ќе му донесе враќање во бразилската репрезентација. Како што пренесуваат бразилските медиуми, Нејмар ќе добие покана за мартовскиот собир на „Селесау“.

Како што додава Sport, нема никакви пречки од страна на Нејмар да се врати во Барселона и тој самиот навистина го посакува тоа. Неговиот агент Пини Захави веќе имал прелиминарни разговори со Барселона и бесплатно го понудил својот играч на каталонскиот гигант.

Од друга страна, Барселона е скептична дали ќе се постигне договор со оглед на високите барања за плата на овој фудбалер. Сепак, постои можност Бразилецот да се согласи на неспоредливо пониски услови од оние што ги имаше во Саудиска Арабија.