Во италијанскиот град Равена е претставена една од првите 3Д принтани куќи направени од глина, пишува Architectural Digest. Оваа необична градба е наречена Tecla, а претставува целосно иновациски потфат на компанијата Mario Cucinella Architects.
Градбата од 645 метри квадрати целосно е изградена од локална глина и е една од првите 3Д куќи направени со 3Д печатач. Името Tecla е инспирирано од измислениот град Thekla на италијанскиот писател Итало Калвино и евоцира безвременост на древната архитектура во комбинација со технолошките можности на 21 век.
Револуционерната технологија на компанијата WASP за 3Д печатач успеа за само 200 часа да изгради уникатно издание во кое има спална соба, просторија за дневен престој и бања.
Материјалот од којшто е изградена е направен во комбинација со локална земја и вода. Исто така, материјалот е директен одговор на климатските промени на глобално ниво. Одбран е со цел да биде достапен за сите, за изградна на евтини домови. Природните елементи не само што ги намалуваат штетните ефекти на производство на вообичаени синтетички градежни елементи, туку нудат и многу предности.
Така, глината на Tecla сама може да ги урамнотежи топлинската маса и вентилацијата на ѕидовите. Или кажано со други зборови, нема потреба од клима уред.
Од компанијата велат користењето природни материјали за изградба на домови не е револуционерно откритие, туку древна пракса низ годините.
