Македонија

Водата во Скопје безбедна за пиење

28. јануари 2020 - 10:51 | МИА

Водата за пиење во Скопје е безбедна и нејзиниот квалитет одговара со Правилникот за барања за безбедност и квалитет, информираат од јавното претпријатие „Водовод и канализација“.

Оттаму денеска соопштија дека во периодот од 20 до 24 овој месец земени се 189 примероци за физичко-хемиска и 189 примероци за микробиолошка анализа од 45 мерни места во Скопје и оти сите примероци се исправни.

– Согласно добиените резултати од испитувањата, сите примероци одговараат на Правилникот за барања за безбедност и квалитет на водата за пиење, велат од „Водовод и канализација“.

Неделиот извештај за квалитетот и безбедноста на водата се објавува со цел поголема информираност на граѓаните.

Коментирај