Воениот камион претворен во одличен кампер ќе се продава на аукцијата на Cars and Bid.
Станува збор за камион Stewart & Stevenson M1087 FMTV од 1997 година, кој беше трансформиран од воено возило во дом на тркала, но го задржа својот робустен изглед.
Сегашниот сопственик го купил камионот во 2018 година и го започнал процесот на трансформација. Така, поранешниот мобилен воен команден центар стана удобен простор за живеење со кујна, бања, апарати и голем кревет.
Камионот е придвижуван од 6,6-литарски Caterpillar 6-цилиндричен дизел мотор со 290 КС, поврзан со 7-степен автоматски менувач Allison. Камионот има и заклучувачки диференцијали и централен систем за пумпање на гумите.
Сопственикот поставил резервоар за вода, грејач и систем за прочистување на водата. Внатрешноста се загрева со користење на истата греалка од воената индустрија која е оригинална компонента на воениот камион, додека за ладење е поставен мини клима уред LG. Кујната е претежно изработена од нерѓосувачки челик.
Има голем фрижидер со замрзнувач за чување на намирници.
Треба да се каже и дека сопственикот направил комплетно нова електрична инсталација со соларни контролери и инвертери. Достапна е и WiFi мрежа, а има и WeBoost засилувач на сигнал.