Резервирањето места со пешкири на хрватските плажи е вообичаена практика на која се чини сè повеќе општини во оваа земја сакаат да стават крај.
Општина Башка е најнова во низата, а градоначалникот Тони Јураниќ за RTL Direkt изјави дека тоа повеќе нема да биде возможно. Кој ќе остави пешкири, лежалки, душеци на надувување повеќе часа на плажа без надзор - ќе остане без нив.
Ќе ги земаат општинските редари, а туристите ќе можат да си ги вратат работите само доколку платат казна од 150 евра.
„До сега не им наплатувавме на туристите казни во висина од 150 евра, едноставно да не влегуваме во конфликт со туристите и да не предизвикаме негативен публицитет и со тоа последици врз и онака нешто полошата туристичка сезона“, објасни началникот за RTL Direkt.
Неодамна градоначалникот на општина Трибуњ, крајбрежен град недалеку од Водице во Хрватска, реши да стави крај на „резервациите“ на места на плажата со собирање на сите пешкири и лежалки.
Во објава на Facebook, тој сподели фотографија од „конфискуваните“ реквизити за резервација на плажа, велејќи дека посетителите исто така ќе можат да си ги вратат доколку платат казна.
Исто така, во општина Градац, одземените пешкири се донираат во азил каде се чуваат напуштени животни.
