Агентот на Гарет Бејл, Џонатан Барнет, ја критикуваше изјавата на Зинедин Зидан за неговиот клиент и рече дека францускиот стручњак не покажал почит кон она што Велшанецот го направил во дресот на Реал Мадрид.
Сепак, Французинот не кажа многу пофални зборови за Бејл, што го погоди неговиот агент кој веднаш реагираше и рече дека ваквото однесување на тренерот на Реал Мадрид е за срамота.
„Зидан е за срамота што така зборува за некој кој направил толку многу за Реал Мадрид. Ако и кога ќе си замине Гарет, тоа ќе се случи бидејќи е во негов најдобар интерес, а не бидејќи Зидан се залага за тоа“, истакна Барнет.
Бејл во дресот на Реал Мадрид освои четири титули во ЛШ, трофејот на Ла Лига, Купот на кралот, Суперкупот на Шпанија, Суперкупот на Европа и Светското клупско првенство.
Велшанецот стигна во Реал пред шест години, а можно е кариерата да ја продолжи во Манчестер Јунајтед или во Тотенхем.
Шпекулациите и натегањата во јавноста околу заминувањето на Бејл од Реал ги подгреваат и двете страни, имајќи предвид дек Бејл имаше изјавено дека ако треба ќе седи на клупа или ќе игра на голф до крајот на договорот, но нема да замине од клубот.
