Австралискиот УФЦ борач со македонско потекло, Александер Волкановски, беше почестен со два големи мурала на градските улици во Сиднеј.
Познат како Александар Велики, Волкановски е засекогаш овековечен со два големи мурали на главните градски улици во Сиднеј, Австралија, претставени денеска на само три недели од неговиот најавен хедлајнер на УФЦ 284 против Ислам Махачев.
Волкановски се натпреварува во перолесна категорија и е актуелен шампион. Неговиот татко е од селото Беранци, Битолско, додека мајка му е од Грција.