Маскотата на Светското фудбалско првенство во 2018 година кое ќе се одржи во Русија стана волкот Забавика, за што одлучија навивачите со гласање на интернет.
Резултатите од изборот за маскотата за СП 2018 беа соопштени синоќа на руската национална телевизија, а организаторите потврдија дека гласале повеќе од милион луѓе.
Волкот со околу 52,8 отсто победи пред мачката и амурскиот тигар во астронаутска опрема, а победникот заедно го прогласија претседателот на Руската фудбалска федерација, Виталиј Мутко, и поранешната бразилска фудбалска ѕвезда Роналдо.
Така волкот Забавика ќе ги наследи леопардот Закуми од мундијалот во Јужна Африка во 2010 и кутрето Фулеш од минатиот во Бразил во 2014 година. Шампионатот во Русија ќе се игра од 14-ти јуни до 15-ти јули 2018 година.
