Некогаш популарната марка на патнички автомобил во Источна Европа Moskvitch можеби повторно ќе се појави на пазарот благодарение на германската компанија Volkswagen која ги откупи сите права на брендот Moskvitch на период од пет години, пишува „Руска реч“.
Компанијата која порано произведуваше москвичи банкротираше и беше ликвидирана во 2010 година, а последното возило Moskvitch 2141 го произведе во далечната 2001 година.
Според експертите, идејата на германските производители на автомобили е креативна и би можела да биде успешна со оглед на вниманието што во светот ѝ се посветува на Русија и посебно на Москва.
