Најекономичниот автомобил на европскиот пазар е новиот Golf TGI кој користи компресиран природен гас CNG.
Volkswagen Group има низа од модели со CNG кои ги произведуваат Аudi, SEAT и Škoda.
Меѓутоа Volkswagen се враќа во играта со новиот Golf TGI кој го позајми погонот од новата Škoda Octavia G-Tec.
Тоа значи дека под хаубата се наоѓа 1,5-литарски бензин мотор кој развива 131 КС и 200 Nm максимален вртежен момент. Истиот модел го движи и новиот Audi A3 G-Tron кој беше претставен неодамна.
Читајте следно: Ова е новиот Audi A3 G-Tron
Golf TGI има резервоар од 115 литри за CNG кој е доволен за домет од 400 км. Тука е и малиот резорвоар од 9 литри за бензин кој се користи како резерва во случај да снемате CNG.
Golf TGI троши помеѓу 4,1 и 4,3 кг CNG на 100 км.
Нарачките се во тек, а најавен е и караван.
