Откако го освои Pikes Peak, болидот на Volkswagen стигна на Фестивалот на брзината и постави рекорд на стазата Goodwood.
Volkswagen ID.R го направи она што никој досега не успеал: ја збриша стазата за помалку од 40 секунди.
Најблиску до тоа досега дошол Ник Хедфилд во McLaren-Mercedes Mp4/13, болид на Формула 1 со моќност од 780 кс.
Тоа беше во 1999 година, кога беше дозволен настап за такви возила, а времето му беше 41,6 секунди.
ID.R постави рекордно време од 39,90 секунди, со Ромен Дима зад воланот кој минатиот месец со истата „ѕверка“ постигна рекорд на Nürburgring (6:05.336).
За да ја освојат стазата Goodwood, од тимот на Volkswagen одлучија да вградат значително помала батерија, што значи дека болидот заедно со возачот тежеше нешто повеќе од 1 тон.
Моќната електрична „ѕверка“ забрзува подобро и од болид на Ф1 – за 2,2 секунди.
