Една од најголемите автомобилски компании во светот, на која во последно време не ѝ оди според планот, најави големи промени, по кои клиентите ќе можат да сметаат на генерално подобри и визуелно поатрактивни автомобили.
Соочени со затворање на одредени производствени погони и отпуштања во Volkswagen, сфатија дека е време да го сменат досегашниот курс, бидејќи резултатите од продажбата на глобално ниво јасно сигнализираат дека работите одат во несакана насока. Според упатените, во тоа помогнале претерано високите цени на електричните модели, кои принудиле многу потенцијални купувачи да го бараат својот автомобил кај други производители.
Во последната изјава за британските медиуми, првиот човек на одделот за развој на Volkswagen, Каи Гриниц, најави големи промени кои ќе започнат од следната генерација на електрични модели ID.3 и ID.4, кои однадвор ќе изгледаат многу попривлечно, со патнички простор кој ќе биде обложен со значително поквалитетни материјали.
Најавено е и враќање на класичните прекинувачи за контролирање на неколку функции, кои ќе ги заменат досегашните и прилично непрактични решенија за управување преку подменија, кои според многумина се преголеми дисплеи.
Осврнувајќи се конкретно на моделите ID.3 и ID.4, Гриниц нагласи дека новите генерации кои треба да пристигнат на сцената во 2026 година ќе донесат со себе многу подобри батерии и севкупни перформанси. Претходно беше потврдено дека деветтата генерација на Golf (кој би можело да го замени ID.3) ќе се движи само на електрична енергија, а сегашната осма генерација ќе се нуди само со мотори со внатрешно согорување до 2035 година.
